التعامل مع المصابين بفيروس كورونا في المانيا يرويها عبر تغريدات الدكتور حسين الهمل
اليوم عرفت ليش الحالات في المانيا بازدياد وعرفت ليش الدولة وقفت السفر من والى المانيا! وهو قرار صحيح ١٠٠٪
راح اسرد اللي صار مع السلطات الالمانية بعد دخولي لمريضه أخبرتني انه زوجها مصاب بال كوفيد 19
1️⃣ اليوم وخلال المرور الصباحي على المرضى دخلت على مريضة أخبرتني بمجرد دخولي انه زوجها مصاب بالكورونا وجات نتيجته إيجابية لانه كان الأسبوع الماضي في شمال إيطاليا
في المانيا مافيه إفصاح عشان كذا حس بالإعراض بعد ثلاث أيام وراح كشف
قلت طيب وين المشكلة هل زارك في الويكند؟
2️⃣ قالت لا !
قلت طيب يعني ماله داعي للخوف!
قالت المشكلة انه ولدي عايش معه في الشقة ولدي وبنتي زاروني في الويكند
انا هنا وقفت وسألتها،هل مكتب الصحة يعرف بهالشي
قبل لا اكمل خلينا نتفق ع شغله
بما انه الأولاد عايشين في الشقة مع الأب فيعتبرون مخالطين لابد عزلهم وأخذ مسحات
صح!
3️⃣ كان رد مكتب الصحة صادم:
١-ما عندنا مسحات ولا يوجد أدوات الوقاية
٢-بما ان ماطلع عليهم اعراض ماله داعي يكشفون عن الكورونا
انا استغربت ولا عرفت وش ارد
الولد عايش مع ابوه في الشقة وزار المريضة الجمعة والبنت زارت المريضة يوم الأحد لكن ماتعيش مع الأب في الشقة
قالت لي المشكلة مو هني
4️⃣قلت وين المشكلة!؟
بنتي اللي زارتني يوم الأحد،كانت مع ابوها في إيطاليا طول الرحلة ورجعت معه بالسيارة
انا 😨
ومكتب الصحة ليش ماعزلها؟
نفس الرد اذا ماطلعت عليها الأعراض ماله داعي نسوي لها المسحات
انا 😨😭
في هذه اللحظة عرفت انه لازم اعزل المريضة وأخذ منها المسحات
5️⃣ بعد العزل على طول خبرت رئيس المستشفى والرئيس الطبي طلبوا اجتماع،لكن قبل الاجتماع
الريس:حاول تخرجها بسرعة!
انا:اخرجها على فين! مستشفى العزل؟
الريس:خرجها ع البيت
انا:المريضة خايفه انه زوجها يعديها لانه معزول بالبيت
الريس: مو مشكلتي!! طلعها
انا: 😥 طيب
6️⃣ بعد الاجتماع!
الريس: الموضوع سهل جدا، تكلمنا مع المكتب الصحي، اذا اولادها ماعندهم اعراض إلى اليوم في الليل يعني ٤ أيام بعد المخالطة مع الأب على الأغلب هم غير معديين وعلى الأغلب ما عدوا امهم
انا:😳تتكلم جد
الريس:نعم،والمسحة اللي اخذتها لا ترسلها المختبر بلا خساير(١٦٠يورو)
6️⃣
انا:😳
الريس:اذا اولادها تكلموا اليوم وقالوا انه ماعندهم اعراض طلعها من العزل!
انا:لازلت في هول الصدمة، بس انا الصراحة خايف ع نفسي
الريس:حتى لو جا لك انت شباب وصحي كلها اسبوعين ويروح
انا:🥺 الله يعز 🇸🇦، إجراءاتنا في السعودية أفضل منكم بمراحل
الريس:عندكم فلوس
7️⃣الخلاصة:
من تواتر الأحداث فهمت انه مايبون يسووا المسحات عشان لاتطلع النتيجة إيجابية ويتقفل المستشفى وبالتالي يخسر
الألمان حاطين في بالهم انه الموضوع سهل ومثله مثل الانفلونزا! اذا انا صحي ما راح اموت منه